السلام عليكم اخواتى الفتوكات الحبيبات
لسه حالا شايفه حلقه منال العالم على قناه ابو ظبى
النهارده كانت الحلقه خاصه للبيعملو رجيم زى حالتى او اللى بيحبو يحافظو على وزنهم
المهم عملت كيكه شيكولاته دايت بنكهه التفاح
انا طبعا لسه مجربتهاش بس قولت اكتبها لحبيباتى بتوع الرجيم عشان نضحك على نفسنا ونقول اكلنا كيكه
المقادير:
1 حبه كبيره تفاح مقطعه ومقشره+3/4 كوب ماء يرفع على النار لتكون كمبوت ثم تترك لتهدأ وتضرب بالخلاط اوالكبه لتكون صلصه تفاح
4 حبه كبيره بياض البيض +نصف ملعقه فانيليا
1/4 1 ك سكر فاكهه
2/3 1 ك دقيق
1/2 1 م ص بيكربونات الصودا
1 م ص ملح
2/3 ك بودره الكاكاو الساده
1/2 1 كوب زبادى خالى الدسم
الطريقه:
يضرب بياض البيض مع الفانيليا والسكر حتى يصبح هش القوام
تنخل المواد الجافه مع بعض
تضاف المواد الجافه لخليط البيض والسكر ونضرب قليلا
يضاف الزبادى وصلصه التفاح
تخلط مكونات الكيكه جيدا وتصب فى الصنيه المدهونه طبعا
تدخل الفرن 180 درجه لمده 30 دقيقه
ملاحظه: قوام الكيكه يكون سائل قليلا وليس مثل الكيكه العاديه
يالا بقى روحوا اعملوها فى الويك اند
بس قولولى النتيجه لان بصراحه خربت النهارده الرجيم ومش هقدر اجرب النهارده
بس اللى تعجبها الطريقه تدعى ليا ولزوجى واولادى بالصحه والستر
تقبل الله طاعتنا وطاعتكم فى هذه الايام المفترجه
منقول