إذا لم تكن عيل سيس من الى خلعوا الريس
فانت شاب فاكس كنتاكى
و إذا كنتى فتاه ممن شاركن ف الثوره
فأنتى بلا شك مزه دبابه
حسنى قابل عبد الناصر و السادات قاموا سألوه
ها .. سم ولا منصه !
قاللهم لا فيس بوك
يحكى ان مجموعه من اللصوص نجحوا ف التسلل إلى فيلا
مبارك التى يقضى بها ايامه الاخيره ف شرم
واوقفوا واحدا منهم يراقب الطريق
وحينما راى مبارك قادما صاح ف رفاقه
مبارك جيه مبارك جيه يلا نمشى
فترك اصحابه كل ما ف ايديهم و صاحوا
وهتفوا بايديهم ف صوت واحد
مش هنمشى .. هو يمشى .. مش هنمشى .. هو يمشى
هذه هى اخر نكته صدرت عن المصريين
فهم المصريين يستعيدون عافيتهم ف السخريه
بعد ان تخلصوا من كابوس طويل دام 30 عام
ذلك ما جعلهم يفقدون روح الدعابه من الهم
وهذا جعل دموع الشعب اكثر من ضحكته
مما دفع المطرب الشعبى عبد الباسط حموده
إلى إصدار البوم غنائى كامل
يسمى ( سلفنى ضحكتك )
وتقول كلمات الاغنيه
ماحدش عنده ضحكه سلف ادارى دموعى جواها
ماحدش عنده فرحه سلف خلاص قربت انساها
بعد الثوره اصبح يقال
ف المدح
إنت جامد تحرير
وف الافتقاد
إنت واحشنى مظاهرات
وف العاطفه
بحبك اخر 25 حاجه
و ف الانتقاد
إنت فاكس كنتاكى
و ف المعاكسه البريئه
إنتى مذه دبابه
إنتى بيضه مسيله للدموع
و ف المزاح
إنت واد أجنده
و ف التدخين
معاك ولاعه مولوتوف
عاجل من التليفزيون المصرى
تم كشف فرقه سريه من سلاحف النينجا ف ميدان التحرير
مع فرقه اخرى من البوكيمون و السلطات تقبض
على ثلاثه شبان يحاولون تهريب
أجندات الى ميدان التحرير
إستعداد الكابتن ماجد الاستيلاء ع حكم مصر
وأعلنت مصادر فيسبوكيه ان كنتاكى ف الاصل
يتبع حلوانى إخوان و لديه أجنده يسجل بها
طلبات الزبائن و سر الخلطه ف الاجنده
اه يانى يانى يانى مش هاكتب ف اجنده تانى
انا مندس انا مندس هاتلى اجنده ووجبه و بس
ومن امثال الثوره
ساعه الحظر متتعوضش
اجندتى و أجندتك و اتفرقوا الاجندات
تعرف فلان اه اعرفه شفت اجندته .. يبقى متعرفوش
الى ينكسف من بنت عمه ميجيبش منها اجندات
الى إتلسع من الشرطه ينفخ ف الاجنده
وكمان تغيير اسماء الافلام و المسلسلات
أبى فوق الدبابه
عوده النت
المندس و الاجنده
على بابا و الاربعين اجنده
الرصاصه المطاطيه لا تزال ف جيبى
ف بيتنا بلطجى
نحن لا نزرع المولوتوف
افواه و اجندات
لن اعيش ف ميدان التحرير
ليالى التحرير
حرمت يا ريس
يوميات مندس
ثائر و ست متظاهرات
جائنا الرئيس التالى
مهمه ف تل تحرير
ليله القبض ع عز
تيمور و أجنده
جعلونى أجنده
مظاهره واحده لا تكفى
حسنى قبل الثوره جاب فتحى سرور عشان يقوله الوصيه
قاله إكتب لسوزان نص مصر و لجمال النص التانى
قال له و الشعب يا ريس !
مبارك قال له ياكل تبن
قام ساله طيب و علاء !
قال له مسكه توكيل التبن
حزب ابو جهل يعلن عن وظائف خاليه
مطلوب بلطجيه و يشترط الحصول ع دوره ف ركوب الجمال
المبتدئون يمتنعون
ذهب االليل طلع الفجر و الشعب اتحرر
شاف مبارك قاله اتنحى و النظام فرفر
الشعب قاله سيب السلطه و خلينا ف حالنا
شد نفسه و بعت حراسه و راح جر شكلنا
راحت الناس قعداله و حلفت ما تروح بيتها
وادى جزاء الى يتلامض مع شعب بلدنا
نطالب الاخوه الصينيين بالخروج ف مظاهره
امام السفاره المصريه ف بكين
لانه بيفكر بالصينى
احنا نقولك حكمك باطل و انت تجيب شفيق ياراجل
رابطه نجارى مصر يسالون عن نوع الغراء
الذى يستخدمه مبارك
إرجع يا ريس كنا بنهذر معاك
دى الكاميرا الخفيه
مبارك يأمر كل القنوات و الراديو بإذاعه
اغنيه واحده فقط لهشام عباس
هتقولى امشى مش همشى هتجيبلى حد يقولى امشى
مبمشيـــــــش
موضوع مخل بالكنتاكى العامه
كنتاكى بتاع اجندات مش بتاع ساندوتشات
بن على يتصل بروتانا سينما و يطلب اهداء
اغنيه بستناك للريس مبارك
وف نفس الوقت قال مبارك للشعب المصرى
نحن لسنا مثل تونس
واهدى لهم اغنيه اخاصمك اه اسيبك لا
امنيه شخص مصرى فقير
يارب كان مبارك ضربنا احنا الضربه الجويه دى
وكان راح حكم اسرائيل 30 سنه
كان زمانهم كلهم بيشحتوا دلوقتى
طالب الشعب محاكمه السفاح الخائن
فخرج الرئيس ف بيان معلنا
لن ارحل حتى اجد السفاح و اعاقبه
واحد من الشعب طلع لعمر سليمان و قالله
الشعب يطالب بالرحيل
قال له و ماله يبنى الى عاوز يرحل يرحل
نداء من تلميذ ف إعدادى
لا تنسوا ان هذه الثوره سوف تدخل ضمن التاريخ
واحنا الى هنتعب ف المذاكره
من فضلكم إختصروا
يعنى إيه كوك زيرو !
يعنى تبقى واقف بتحشش و ف لجنه شعبيه
وييجى عربيه الشرطه تقوم مفتشها
عاااجل ... اصحاب المؤامره
الايرانيه الحماسيه الامريكيه الاسرائيليه القطريه
لتدمير مصر يدفعون مئات الدولارات للمتظاهرين
ف التحرير و يبعثون لهم رسائل مشفره
عن طريق الاطباق الطائره و يتواصلون معهم
عن طريق توارد الخواطر و المخاطبه الروحانيه
وكل متظاهر ياخذ وجبه هابى ميل باللعبه
وشقه ف مدينتى
لا تنخدع و تأخذ الوجبه بدون اللعبه
واياك الانضمام للقله المندسه
وزير التعليم ف خطاب
إنتوا أجندات خارجيه و مسلحين بسلاح التلميذ
يا صفايح الاجندات السايحه
طالعه السلالم يا ماشالله عليها
نازله السلالم و الاجنده ف إيديها
ماده 535 من الدستور ..
إذا مات الرئيس يتم تحضير لجنه من السحره
لتحضير روحه لاداره المرحله الانتقاليه
اول مهام الحكومه الجديده هى عمل كرسى تيفال
عشان خاطر الريس الى يقعد ميلذقش
وهناك إقتراح بعمل كرسى قلاب يقلب لوحده
كل 6 سنوات
الرئيس مبارك قال انا خساره ف مصر و إتنحى
وقرر ترشيح نفسه لرئاسه تونس
قام الشعب التونسى عمل مظاهرات و طالب
برجوع بن على رافعين شعار
إحنا اسفين يا زين
زين العابدين لما عرف بقرار التنحى
اتصل بمبارك و قالله متنساش تجيب دراع
البلايستيشن معاك
قام مبارك رد و قال له لا تعايرنى ولا اعايرك
الشعب خالعنى و خالعك
27/4/2012, 05:43 من طرف 
