تشيز كيك بطريقه منال العالم
المقادير
مقدار كافى لصينيه مقاس 26
القاعدة
بسكويت مطحون (ممكن مارى - دايجستيف- نايس بجوز الهند ) - رشه قرفه -ملعقتين كبار زبدة
خليط الجبن
400 جرام جبن كريمى (يمكن استبداله بالجبن الكيرى او المثلثات والقطعه منهم وزنها 15 جرام .....احسبى عدد القطع ) --كوب سكر -2 كوب كريمه لبانى سائله-- نصف كوب عصير فراوله مركز (فراوله مضروبه فى الخلاط باقل كميه ماء ممكنه ليكون ثقيل القوام )-ملعقه طعام جيلاتين بودرة تذاب فى القليل من الماء المغلى
لزينه الوجه
باكيت جيللى فراوله -او مربى فراوله مهروسه جيدا بالشوكه
الطريقه
لتحضير القاعدة
يطحن البسكويت ويضاف له الزبدة السايحه والقرفه ويخلط جيدا ويرص فى قاع صينيه التشيز كيك اللى قاعدتها بتتفك
يخبز فى الفرن لمدة عشر دقايق (بيعطى مذاق رائع ومحمص للقاعدة افضل من لما تكون مش مخبوزة)
لتحضير خليط الجبن
نخلط الجبن والسكر والعصير الثقيل القوام والجيلاتين والكريمه السائله معا بلالمضرب الكهربائى الى ان يغلظ قوامه قليلا
يصب فوق قاعدة البسكويت ويدخل الثلاجه الى ان يتماسك قوامها -..حوالى خمس ساعات
لتزيين الوجه
لو حبيتى تزينى الوجه بالجيللى ...حضرى الجيللى بالطريقه المعروفه وصبيه فوق وجه الكيك بعد ماتماسكت ودخليها الثلاجه تانى ليتماسك الجيللى بس لاحظى ان الكيك يكون مالى الفراغات كلها من الجوانب علشان لما تصصبى الجيللى عليها ماينزلش لتحت من الفراغات دى
لوهاتزينيها بالمربى
اهرسى المربى جيدا بالشوكه علشان تبقى ناعمه
فكى الكيكه من الصينيه وطلعيها بهدوء
ضعى كميه المربى على الوجه بانتظام ودخليها الثلاجه لحين الاستخدام
المقدار دة من منال العالم و دى مضبوط تماما ......هى دسمه جدا بس دى على اصولها
لو عايزة الكيك سادة بيضاء من غير عصير .....شيلى العصير خالص واكتفى بالمربى من فوق
لو مافيش عندك فراوله ممكن تاخدى قليل من بودرة الجيللى وتخفقيها مع خليط الكيك هاتعطى لون وطعم من غير ماتخفف قوام الكيك ...انا باعمل كدة
جربوها هاتعجبكم جدا
منقول